Ўзбекистон Республикаси
Ички Ишлар Вазирлиги

Диққат! Веб-сайт тест режимида ишламоқда.

Ҳолат юзасидан102
Ишонч телефони1102
Андижонда ўтказилаётган “Тозалаш-Антитеррор” тадбири натижалари

Жамоат тартибини сақлаш, фуқаролар хавфсизлигини таъминлаш, ҳуқуқбузарликларнинг олдини олиш ҳамда фуқаролар томонидан паспорт-виза қоидаларига риоя этилишини таъминлаш ишларини ташкиллаштириш бўйича ўтказилаётган тадбирга ички ишлар органлари ходимлари билан бирга жамоатчилик вакиллари, маҳалла фуқаролар йиғини раислари, кўча ва уй бошқарувчилари ҳам жалб этилди.

Тадбирни самарали ўтказиш мақсадида, тезкор-криминоген вазият чуқур таҳлил қилиниб, шаҳар-туманлардаги 868 та маҳаллалар тоифаларга ажратилди. Текширувлар дастлаб тезкор-криминоген вазияти оғир маҳаллаларда ўтказилди.
Ҳозирги кунда кўп қаватли уйлар, ертўла ва чордоқлар, ҳовли уйлари, ташкилот ва корхоналар, меҳмонхоналар, ётоқхоналар, таълим муассасалари, кафе-бар ва ресторанлар, савдо ва бошқа хизмат кўрсатувчи объектлар, ўта муҳим тоифаланган объектлар хавфсизлик юзасидан текшириб чиқилди. Ўтказилган текширувлар давомида 4 минг 52 та маъмурий ҳуқуқбузарликлар аниқланиб, тегишли чоралар кўрилди.
Шаҳар-туман ички ишлар бўлимларида профилактик ҳисобида турган маъмурий назорат қонуни таъсири остига тушувчи шахслардан 30 нафарига нисбатан маъмурий назорат ўрнатилди. Жиноят содир этиб тергов ва суд органларидан яшириниб юрган 22 нафар шахслар ушланди.
Тадбир давомида аҳоли билан хавфсизлик юзасидан 1744 маротаба учрашувлар ўтказилди. Амалга оширилган ишлар ва профилактик-огоҳлантирув  масалалар бўйича оммавий ахборот воситалари орқали 56 маротаба чиқишлар қилинди. 
Албатта, вилоятда фуқаролар хавфсизлигини таъминлаш, фавқулотда вазиятларга йўл қўймаслик, ҳуқуқбузарлик ва жиноятчиликни олдини олиш, жамоат тартибини сақлаш борасидаги ишлар мунтазам равишда ўтказиб борилади.

Андижон вилояти ИИБ Матбуот хизмати

09-08-2017 | 565
Сайт харитаси
Ўзбекистон Республикаси
Ички Ишлар Вазирлиги
Маълумотлардан фойдаланилганда mvd.uz га ҳавола кўрсатилиши шарт.
© Барча ҳуқуқлар ҳимояланган 2017
Яратувчи:

ИИВ АТА ва АҲБ

Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг